蔡楓華重提「剎那光輝」事件 記掛張國榮教打士碌架

蔡楓華、陳秀雯、李龍基及劉雅麗等為一連兩場《真．經典》電視主題曲演唱會演出 ，昨晚舉行首場。適逢是張國榮死忌15週年。
李龍基和劉雅麗分別獻唱《儂本多情》、《明星》及《心債》，獲得觀眾開手機燈營造燈海。劉雅麗謂雖則哥哥張國榮同梅艷芳離開了15年，但沒有忘記過，他們變做成天上的星星，歌曲陪住她成長，流傳下來亦好深遠 。蔡楓華表示當年拍《我要高飛》後就過檔去無綫，當時過檔是好光榮，更笑謂自己過錯了去無綫，因為做《勁歌金曲》，如果留在麗的電視就不會發生「剎那光輝不代表永恆」這事。他說：「啲人話我走下坡，錯晒啦！有個巨星俾我掹車邊，嗰個叫張國榮。」接受訪問時，蔡楓華直言自己以前好幽默，但感觸良多，因為未試過同其他歌手合作，感到好榮幸。談到他指掹哥哥車邊，他說：「我絕對係掹車邊，今日的日子好特別，但唔講係乜，對我自己來講，百感良多。我有懷念他，記得初入麗的，乜嘢叫過鏡同打桌球都係他教我，而且仲一齊行百萬行。我唔係成日講阿梅、哥哥同陳百強去增強自己，以前成日我哋成日去玩，鄧麗君都一齊去disco。」他又指當年有人找他拍電影，但覺得自己性格不會適合，現在也覺得後悔，又認為現今的小生好幸福可打入內地市場，好容易賺到錢。問到如有人邀請拍戲可有興趣？他說：「邊有人搵我呀！」