屋企做空中瑜伽老公見慣 毛舜筠：佢覺得我乜都做得出

毛舜筠為其代言的醫美中心第3間分店擔任開幕嘉賓，並獲得加碼續約。對於酬勞方面，毛姐笑言開心價，希望可以一直合作下去。她自言好懶連facial也不做，只會做運動，所以一定要有人為她護理皮膚，加上早前忙於法國進修藍帶廚藝文憑課程及電影工作，完成後便勤做運動。她說：「我屋企有間房可做空中瑜伽，亦可以到屋苑或家中做健身運動。老公話自己係天生無運動細胞，佢覺得我勤力做唔係有恆心，而係天生有運動細胞。（表演高難度瑜伽動作畀老公睇？）睇慣咗！經過見到，就話『吊緊啦！』佢覺得個老婆乜都做得出。」毛姐坦言不會深造瑜伽，因本身好怕考試，修讀藍帶廚藝課程已好大挑戰，不想做運動有壓力。
問到有份角逐應屆金像獎「最佳女主角」可有準備戰衣？毛姐開心謂獲得喜愛的服裝及鑽飾品牌贊助，亦有一定的信心，聽聞幼女屆時會陪伴出席，因為老公不在港就派囡囡做代表，幼女亦叫她代為揀衫。（攝影：譚志光）