京官關注香港年輕人捱貴樓 何柱國倡居港未滿18年買樓要交雙倍稅

星島新聞集團昨晚(3月15日)舉辦「二○一七傑出領袖選舉」頒獎禮，星島新聞集團主席何柱國在晚宴致辭，都成為全場無焦點，今年也不例外。他開首就說，全國政協會議昨日閉幕，他剛剛從北京回來，但今年是第一次返到香港覺得好開心，因為在北京連開十多天會「慘過坐監」，話自己讀書時「出貓」和逃學，他認第二，都無人敢認第一，但今次在北京出盡辦法，都只係走到少少堂。

他又特別提到香港房屋問題，說在北京同官員食飯時，討論到香港房價問題，「個價錢去到離譜嘅」。他說香港人才外流，返不到香港就是因房價問題，有朋友兒子回港便「無晒朋友」，因朋友沒回來，政府要思考如何降低樓價。他更批評政府的覓地小組無用，以為討論用粉嶺高球會土地起樓會攞分，「呢班廢物嚟」，結果令香港不用再搞高球運動，「呢班友諗乜嘢，去填海啦傻佬，咁大個海都唔識填」。

他提出十八歲以上港人初次置業應可交少一點稅，而在香港住滿十八年才可買樓免辣稅，未滿這年期的外來人買樓就加兩倍稅，「唔俾外來人炒高樓價，樓價高對香港年輕人係好唔公平」。

至於用農地起樓，何柱國提出可補地價，又指有北京官員向他說，「前朝政府遺落嘅嘢，今屆政府都要做」，「一個官唔做唔錯，係庸官，應該做官嘅，係勇敢去嘗試新嘅嘢，做錯咗就去糾正返，呢個先係為人民服務」。之後看看財政司司長陳茂波是否在場，指這番說話亦是真心對他說。何說，連北京都這麼關心本港房屋政策，現屆政府都應該努力想方法。

何柱國之後在兩個頒獎環節中間再補多兩句，話○五年創辦《頭條日報》，當時有個《壹周刊》記者問到他搞免費報後，《星島日報》會何時「執笠」，當時他就說「大家長遠啲睇」，而最近《壹周刊》「就執笠，唔執都半身殘」，於是現在向該記者和黎智英說，「嗱，而家你行到呢個地步，我今日就賺緊錢，你就半身殘」。

何柱國說，當年買了《星島》後去睇相，問睇相師傅買《星島》有無行錯路，師傅陳伯就話「你都得㗎，你個相好過黎智英呀嘛」，又話黎智英個相「又歪又斜又虛又浮腫又三角眼」，於是給了他信心，於是他做了《東周刊》，時時與同事說，千萬不要學黎智英「作假故仔」。