董建華搞完智庫又搞傳媒 何柱國:不如你買埋星島啦！

星島新聞集團主席何柱國昨晚(3月15日)在「二○一七傑出領袖選舉」頒獎禮上致辭，提到當年收購星島是前特首董建華「氹我做」，指董做智庫之後又做媒體，建議董「不如你買埋我份星島去做啦」。
何柱國昨晚提到，有報紙形容董建華以最多反對票當選政協副主席，「呢個其實對佢唔公平，因為當年我做政協常委嗰時，我仲多過佢」，有十八張反對票差不多是最差，但經過十七年後，其他人才覺得他個人不差，變成兩張反對票，所以著董生再做多十七年，差不多一百歲時，反對票就一定減少。
何柱國又話董生「老當益壯」，「我每次見到佢騰嚟騰去，揸住個喼，喺度睇文件，我真係好佩服佢，我話你休息吓啦，退休啦，但佢唔係喎，愈做愈勤力。」他又透露，當年收購星島是董建華「氹我做」，「佢話你去捱啦，佢做咗智庫，但最近又諗住做媒體喎，董生如果你咁好精神做媒體，不如你買埋我份星島去做啦，我真心㗎，好開心㗎。」