袁嘉敏接戲 望可免不必要裸露鏡頭

袁嘉敏（Candy）和筱靖出席電影《縮水人間》首映禮時，以低胸裝現身的袁嘉敏，大騷「事業線」。她表示近期忙於內地登台，一個月有十個活動，搞到聲沙沙，更笑謂覺得自己把聲似男人無高音，更試過一個星期有三日沒有睡覺。
問到可有賺夠畀首期買樓？她說：「希望啦！之前睇過200呎樓，如果買好似個盒困住自己好怪，亦諗唔到點裝修，起碼要三、四百呎啦！」她又指去年推出新書，但同時推掉四、五部電影，因為覺得形式及風格不適合自己，希望今年可以接拍舒服滿意的作品，不必要裸露鏡頭可免則免。
同場的筱靖表示情人節兼年廿九會返廣州跟家人渡過農曆新年，更經常被媽媽催促若然要生仔就要快，因為年紀開始大，自己想奮鬥多兩、三年。她直言,媽媽介紹的男仔「唔掂」：「最離譜試過介紹個男生後生過我，但個樣大過我，不過媽媽鍾意睇學歷，我叫她去買兩張証書啦！（擇偶條件？）我自己會睇樣先，但最緊要錫我。」