睇巴黎鐵塔緊要過濕平 溫碧霞著水晶長裙欣賞時裝騷

溫碧霞（Irene）日前抵達巴黎出席時裝周，她穿上一襲鑲滿閃亮水晶的吊帶長裙睇騷，相當耀眼奪目。
Irene於巴黎時間26日抵達，到埗後行程緊湊，不過她也急不及待去觀光，更第一時間走去巴黎鐵塔感受浪漫氣氛，她笑指：「暫時仲未抽到時間購物。（但有時間睇巴黎鐵塔？）哈哈，欣賞巴黎鐵塔緊要過Shopping，去到巴黎鐵塔好舒服，完全放鬆晒，平時所有工作嘅緊張全部冇晒，好奇怪去到巴黎你係唔會諗依家幾點？又唔會成日留意著手機留言，只會好享受環境。」