寫情歌冧爆雨僑 羅力威用甜蜜歌詞放閃

雨僑與羅力威在下月31號拉埋天窗，羅力威已寫了新歌《嫁給我》做新婚禮物，包辦作曲、作詞。 講到首歌的創作初衷，羅力威話：「由我有能力寫歌開始，就一直等著有一日，可以寫出一首關於結婚、甜甜蜜蜜嘅歌曲。其實咁樣嘅『禮物』已不是第一次啦！」

羅力威仲話覺得自己對雨僑做過最浪漫嘅事，就係自創咗一首「生日歌」畀雨僑作為生日驚喜，所以今次要再接再厲。被問到雨僑對新歌的評價，羅力威放閃道：「我嘅歌佢通通聽過，唔問都知道一定會喜歡！」至於MV，羅力威就選擇用手指舞來演繹愛情故事，因為牽手係情侶最初的親密動作，得意之餘亦都有同雨僑牽手一直行到永遠的意義。

關於婚禮的安排，羅力威好認真咁話：「新年又真係食得比較飽，現在都係做運動消化。其實我哋之間好少用驚喜來相處，而且講到明係驚喜，沒理由先講出來！」