偉仔拍喜劇唔好笑？劉嘉玲：人哋收19億票房

英皇賀歲片《我的情敵女婿》票房暫時成績過千五萬，一眾演員劉嘉玲、任達華、唐詩詠及胡渭康等出席慶功宴。任達華開心說女兒於首映禮睇到笑騎騎，更經常同他講劇情，以前拍好多重口味電影，今次首次跟女兒入場睇戲，對票房成績也滿意；又搞笑謂有人問他可要相隔25年再跟劉嘉玲合作，最好明年環遊世界去拍戲。
在旁的劉嘉玲笑言一向邊工作邊娛樂，近年拍戲也去了未去過的地方，更笑稱毋須等25年再跟華哥合作，因為屆時已80歲，所以不要等太耐。談到梁朝偉主演《捉妖記2》口碑不及這片，嘉玲說：「呢套係香港電影，依家我成日行山途中見到唔識我的人，都話睇部戲好開心好笑，我覺得香港人鍾意呢啲戲，佢哋嗰部比較大陸感覺適合小朋友。我哋有香港情懷，好多香港熟悉地方，好有情感。（梁朝偉曾指自己拍喜劇好笑？）依家證明唔係啦！但各地觀眾睇嘢不同，佢呃啲小朋友啫，但人哋都收19億票房。」
唐詩詠表示睇這片兩次，其中有次跟爸爸入場睇，爸爸亦睇了多部賀歲片，但認為這片最好睇。問到可會跟朋友再入場睇該片？她說：「叫佢哋再去睇。（前度洪永城已入場睇？）唔知。」她希望可再拍賀歲片，因為覺得拍賀歲片會好幸運，可以帶歡樂給觀眾。（攝影：張家宜）