與姚子羚成同居蜜友 龔嘉欣望姊妹早出嫁

「少婦聯盟」的龔嘉欣和「胡說八道會」的姚子羚一直以來也是同居閨蜜，她們經常以「愛人」相稱，甜蜜滿瀉。二人於數年前收養了一隻被遺棄的唐狗，並將牠改名為「通仔」，好姊妹與狗狗一起生活得十分快樂。
能成為同居閨蜜，對方定必有其吸引之處，嘉欣接受網媒《巴士的報》訪問時，被問及覺得子羚如何時，她大讚子羚：「心地好、心軟，同埋佢真係一個好好嘅女仔嚟。佢都係一個好好嘅聆聽者，又玩得，佢好玩得、好講得笑。」

談到當初為何決定住在一起，嘉欣說：「無㗎，大家話不如搬出嚟。」二人就這樣開始同居了，嘉欣表示因為當時住得很遠，駕車來回十分費時，令她缺乏休息時間，便決定要搬近一點。縱然「相處好同住難」，嘉欣卻從沒試過與子羚吵架，或許這就是二人的緣份。
嘉欣指曾試過出外工幹時與其他人同房，但即使時間短，對她來說都不容易：「我發覺就算係咁短時間，唔啱嘅人都會有啲啲嘅磨擦。可能同子羚性格都係咩都講，且唔介意去做埋對方嗰份。有時可能佢好攰，返到嚟除咗啲衫就擺咗喺沙發，我會幫佢摺。又可能我趕住出門口，擺咗啲鞋喺地下，佢又會幫我收返好。」