人狗情未了！姚子羚幫被遺棄雪橇犬慶生

藝人姚子羚（Elaine）一向係愛狗之人，不但愛自己的狗，她的愛心更加係廣及其他狗狗，就好似之前被人遺棄時的狗狗Tuffy，當年細細隻BB咁，由姚子羚家姐暫養，宜家搵到新主人，但Elaine依然會去探佢，最神奇嘅係Tuffy都仲認得Elaine，而且次次都會好興奮！難怪Elaine會攬住佢，幫佢慶祝生日。

Elaine係社交媒體留言，兼且鋪相，「生日快樂🎂🐶唔經唔覺你已經兩歲啦！由你bb時比人因病遺棄喺公園到家姐暫養照顧你～再到依家搵到一個愛錫你嘅家～真係好開心☺️每次探你都記得我地…同埋你都係咁牛精、由一只好嘈嘅細Tuffy BB變成一只好嘈嘅大Tuffy BB～😆希望你繼續牛精落去～Tough and Healthy=Tuffy 」

其實Elaine對狗狗嘅愛，真係唔簡單，因為曾經被領養嘅狗狗咬傷面，當日仲有疤痕係面上，令到佢開唔到工拍唔到劇，但佢係「TVB馬來西亞星光薈萃頒獎典禮2017」，憑《同盟》奪得最喜愛TVB女配角一獎時，依然公開呼籲大家要繼續領養唔好棄養。