包場睇戲冇帶利是嚟派 梁詠琪以粉絲之名代捐錢

梁詠琪（Gigi）有份主演的賀歲片《西遊記女兒國》，初年初六包場舉辦梁詠琪粉絲場，邀請了過百名粉絲入場和Gigi一起欣賞電影，齊齊賀歲！
Gigi於戲中飾演威嚴霸氣的國師，首次嘗試荷里活特效化妝，每日開工都需要提早5個小時化妝，收工亦要花一小時落妝。Gigi特意向粉絲強調：「雖然我喺戲裏面嘅髮線好高，但我個額頭唔係天生咁高，係化妝效果！」惹得哄堂大笑。月初曾出席北京首映禮的Gigi表示，今次是第一次觀看廣東話版本，說：「睇兩次嘅感動位都係一樣，就係唐僧同國王放下感情嗰一段，同埋我睇住國王放低女兒國嘅一切，跟唐僧跳落苦海個刻，我睇返都仲好感動！」
適逢農曆新年，粉絲群起要求Gigi派利是，令她措手不及，說：「講真㗎，頭先佢哋問得我太突然啦！我又無帶利是喺身。」其實每年Gigi都會將愛女Sofia的利是錢，捐到慈善機構，今次未有預備好歌迷利是，她決定效法郭富城，以全香港人名義捐款當派利是的做法，以歌迷之名捐錢。她說：「既然每年都會捐Sofia嘅利是錢，今年用埋Fans名義去捐錢，效法城城咁樣做，好事成雙，有意義得嚟又做到善事，幾好呀！」