包场睇戏冇带利是嚟派 梁咏琪以粉丝之名代捐钱

梁咏琪（Gigi）有份主演的贺岁片《西游记女儿国》，初年初六包场举办梁咏琪粉丝场，邀请了过百名粉丝入场和Gigi一起欣赏电影，齐齐贺岁！
Gigi于戏中饰演威严霸气的国师，首次尝试荷里活特效化妆，每日开工都需要提早5个小时化妆，收工亦要花一小时落妆。Gigi特意向粉丝强调：「虽然我喺戏里面嘅发线好高，但我个额头唔系天生咁高，系化妆效果！」惹得哄堂大笑。月初曾出席北京首映礼的Gigi表示，今次是第一次观看广东话版本，说：「睇两次嘅感动位都系一样，就系唐僧同国王放下感情嗰一段，同埋我睇住国王放低女儿国嘅一切，跟唐僧跳落苦海个刻，我睇返都仲好感动！」
适逢农历新年，粉丝群起要求Gigi派利是，令她措手不及，说：「讲真㗎，头先佢哋问得我太突然啦！我又无带利是喺身。」其实每年Gigi都会将爱女Sofia的利是钱，捐到慈善机构，今次未有预备好歌迷利是，她决定效法郭富城，以全香港人名义捐款当派利是的做法，以歌迷之名捐钱。她说：「既然每年都会捐Sofia嘅利是钱，今年用埋Fans名义去捐钱，效法城城咁样做，好事成双，有意义得嚟又做到善事，几好呀！」