告別分手傷痛 梁嘉琪接廣告開心甫相

無綫小花梁嘉琪日前突然在社交媒體發文，透露自己經已分手，還說「我已一個人上路了」，又指「幾年感情，中間大家曾經努力過」，字裏行間感受到陣陣悲痛。不過人總需要勇敢生存，梁嘉琪就放下情傷，甫上拍攝廣告的相片，還露齒開心自拍，力證自己搞得掂！
梁嘉琪在IG上還開玩笑，原本她在留言中寫到「狗年第一個廣告！順利完成！」還落hashtag「 #狗年第一擊#tvc#tvcommercial #imaluckygirl」。跟住個個係下面留言新年祝賀語句，竟然開始叫「請食飯呀」，主角終於回應「個個都話請我食飯😌真客氣😏」。
其實梁嘉琪係情人節當日仲有甫文，話「希望找到屬於你們的幸福☺️」，宜家睇番真係眼淚在心裏流。與電台監製金志堅(阿金)拍拖四年，嘉琪曾視對方為結婚對象。不過最近有報導指嘉琪男友疑似「偷食」，該小三更將同阿金約爆房的WhatsApp內容公開。