【金像獎】周秀娜激動爭影后：係新年最好嘅禮物

周秀娜近年進軍影壇，更憑《29+1》入圍金像獎「最佳女主角」，她稱意想不到地激動，「係呢個新年最好嘅禮物，真係冇諗過，我更加希望《29+1》有唔同嘅入圍，我都好想恭喜導演同欣宜。不斷有人message我講恭喜，好激動、感動，最開心係成個團隊一齊角逐唔同獎項。」

電影《空手道》入圍金像獎的「最佳攝影」、「最佳美術指導」、「最佳原創電影音樂」等獎項。身為出品人的杜汶澤亦角逐「新晉導演」，他感高興及榮幸：「多謝台前幕後所有工作人員、投資合作伙伴，令電影順利完成。再一次多謝鄧麗欣參與呢部戲，令工作人員都因為佢嘅賣力而士氣提高，希望佢攞到獎同成功，演出上比以前有更大突破。」

另外，提名「最佳新演員」的陳漢娜，在《殺破狼．貪狼》演古天樂阿女，她驚喜獲提名，因有份拍攝已經感幸運、心滿意足，不會視入圍的演員為競爭對象，並說：「自己拎唔到獎唔緊要，古天樂拎到就最好，拎埋最佳電影喇！」