去馬爾代夫慶祝結婚1周年 岑麗香考慮騷索爆泳裝照

岑麗香與老公強強結婚1周年，去了馬爾代夫慶祝，因為早前返加拿大覺得天氣好凍，所以去一轉馬爾代夫享受陽光與海灘。她自爆好怕水，因兒時睇過鯊魚題材電影，不過今次的起心肝找來專業人士教她潛水，當潛到11米水深睇到鯊魚、珊瑚及烏龜等，原本心情緊張也變得輕鬆去欣賞景色，加上身邊有老公同教練睇住，又笑指今次之行有影泳裝照。

問到可會在社交平台分享泳裝照？香香笑言今晚考慮一下。談到今年可會展開造人計劃？她說：「未咁快，順其自然。（老公送甚麼禮物賀結婚1周年？）送了一隻手鈪畀我，佢好sweet知我做藝人要美白，見到太陽佢會用身擋太陽，佢夠大隻好遮陰。」