【入伍前最後個唱】勁歌熱舞 鄭容和講廣東話冧粉絲

韓國樂隊CNBLUE主音鄭容和，今晚在亞博館舉行入伍前最後一場騷，亦是爆出疑享有特權考入大學後的首個香港巡唱。雖然鬧出風波，但粉絲對他不離不棄，全場爆滿。

晚上7時20分，鄭容和以黑白恤衫西褲斯文look登場，連唱《Navigation》、《Summer Dream》和《Password》3首歌為演唱會揭幕兼大派飛吻，粉絲們甫見偶像即興奮得企起身大叫。鄭容和無受負面新聞影響，出力大搞氣氛，唱畢一曲即用英文高呼：「Hong Kong are you ready？」再引領台下粉絲揮手，全場即狂揮動熒光棒。

鄭容和的冧功當然不會如此小兒科，唱完3首歌後，他分別以廣東話、普通話、英文說：「大家好，我係鄭容和，long time no see，好久不見，再一次在香港見到你哋，我真係真係好高興，真係好開心。This is my room，我在這裏很努力的練習，就係為再見到你哋嘅時候用的，還為你哋準備了以下歌曲《Mileage》的另一版本！」縱使鄭容和的中文有時發音不準、有時令人聽到「頭都側」，不過粉絲仍相當受落，全場high爆！