拍片紀錄入行十年 衛詩雅灑淚愧對父母

衛詩雅（Michelle）為入行十年自拍了一條紀錄片，自爆鏡頭後的她只是個平凡的「新界妹」，片中她搭巴士、幫襯茶餐廳、去街市買餸，自認夠貼地。她透露試過拎電話去整被認出是明星，她說明星不代表有錢買新機。
被同事封「牌王」，Michelle擁有車牌、船牌、船主「大偈牌」、潛水牌、導遊牌、寵物傳心術、中醫初級證書，因為她覺得時間閒下來很浪費，所以考牌最實際，始終這行缺乏安全感，她就試過兩三個月沒收入，幸公司有預支薪金，雖然只得幾千元，因為她十分慳儉，之前工作會將錢儲下來，她可以不出街就不用花錢，跟媽咪住又可以不用出街食飯，工作可以借衫，游水沒錢就去沙灘，有錢才去泳池。
當講到這十年遺憾事，原本輕鬆談經歷的Michelle，提到覺得對不起家人時，已忍不住哽咽，然後邊講邊落淚，說：「因為覺得…唉…都30幾歲，父母似講笑叫快啲拍拖，唔介意你收入，咁大個女要佢哋擔心，會覺得好冇用，可能唔係入咗呢行佢哋冇咁多擔心，因為自己硬頸令佢哋去承受唔應該承受嘅嘢！」