開post撐唐詩詠 洪永城冧爆：你係我心目中嘅最佳女主角

洪永城、唐詩詠去年5月宣佈和平分手，二人一直Keep住單身，早前更被拍得飯聚惹來翻撻疑雲，詩詠坦言當日是一班圈外朋友聚會，至於復合有冇機會？她拋下兩字「隨緣」，分手後做朋友見個面是正常事。

話說詩詠今年憑《不懂撒嬌的女人》入圍視后，不過面對勁敵宣萱、胡定欣、鮑起靜等，詩詠都覺對手太強，似乎無機會攞獎。本月21日就是《萬千星輝頒獎禮》，詩詠都孖何遠東拍片拉票，努力衝刺。

前度男友洪永城都投下神聖一票，更專登在社交平台出Post撐詩詠，他上載已投詩詠為「最佳女主角」的截圖，並冧爆留言：「記得曾經問過你，如果你攞最佳女主角，你會講啲咩？你話：有機會攞先算啦。今年終於到你。有樣嘢非常之佩服你，喺劇組咁多年，我從來未聽過一個人講你壞話，只聽到詩詠好、詩詠得、詩詠無得頂，淨係呢個原因你都至少攞個最佳人緣獎啦。當然你點會剩係得呢個奬咁簡單，見到你每次開劇之前角色上嘅準備工夫，令自己投入狀態，而在劇拍攝中無論自己生活中在幾多嘅情緒，你都保持在那狀態之中，你係我心目中嘅最佳女主角，咁多年嘅努力，希望今次你得。#最佳女主角唐詩詠」。

睇到呢番話，真係又冧又感動，網民仲趁機起鬨留言「趕快復合！支持！」、「可唔可以一齊返？」、「好感人，公開愛的宣言」。