獲名導讚「全世界最好演員」 張家輝挨小齊腳踢受傷

荷李活著名導演Renny Harlin執導，張家輝、任賢齊（小齊）及內地演員楊紫等主演的電影《沉默的證人》，今晚於啟德郵輪碼頭進行煞科戲。小齊表示戲中的張家輝扮演法醫，但他要消滅證據，當中有好多動作戲，更笑謂家輝最辛苦，因3人輪流打對方。他說：「家輝演法醫有時用爛仔交，同佢做動作有時硬食我啲拳，撞玻璃都親自上陣，家輝係搏命三郎。」

小齊指當年拍《大事件》的動作戲以為龍虎武師代家輝拍，後來才發現原來家輝親自上陣。在旁的家輝笑說：「依家唔敢，幾廿歲呀！」小齊表示今次演出有場戲要一腳伸家輝，雖然導演收貨，但家輝睇完回帶後要求拍多次，拍攝時也有少少受傷。問到可有被打中重要部位？家輝說：「無踢中要害。」他讚小齊拍戲也搏命又爆好多玻璃，更大讚對方好順得人，今次再度合作加深認識，大家在電影上互動及溝通更成熟，無論動作或文戲也演得舒服。

談到跟導演Renny Harlin合作，小齊指導演以荷李活方式拍華語電影，所有事好精準，分鏡亦好清楚。他說：「有場戲在葵涌，但一出來變成在中環景，佢話拍出香港靚的地方畀大家睇，喺中環取景唔知點解一定去街市見到人斬雞，呢個傳統香港拍到唐人街感覺。」家輝則認為現今電影趨勢多地區性合作的交流是好現象，甚至乎跟其他地區如印度、日本及伊朗等導演合作，如果香港未來有更多交流會更好。

首次拍香港電影的楊紫笑指演出要說英語及粵語外，加上有內地及台灣劇組人員感覺很奇妙，又指很喜歡家輝，是她的偶像，初時會緊張，但估不到對方像小孩又天真又活潑，更主動跟她聊天。戲中有不少動作戲的她，指導演初時想她似打女super woman的感覺，但每天她也被人打，更搞笑問導演是否想找楊紫瓊，不過變成她。

導演Renny Harlin坦言喜歡香港，今次有好團隊及地點，加上喜歡香港電影，所以來港拍戲很特別，更讚家輝是全世界最好的演員。