藍潔瑛舊聞被翻炒 阿倫撐志偉：佢哋係好朋友

譚詠麟昨日專誠在廣州舉行發布會，公布《廣東歌50週年企劃》；但百忙中也關心老友曾志偉被捲入的風波，力撐志偉之餘，更笑言對方應沒此能力！
譚詠麟（校長） 被問到有否關心好友曾志偉與藍潔瑛舊聞被翻炒？校長謂：「昨日看到報道後也有打過電話畀志偉，志偉仲有笑、話『點會係真』，見到佢咁開心，我都唔使擔心，何況佢哋係好好朋友。（指志偉和藍潔瑛？）係呀，所以點會發生咁嘅事，我喺演藝人拹會都聽過，如果有人提到藍潔瑛有事，志偉都會叫大家關心吓，因此傳聞係事有蹊蹺。」
說到內地有「金牌模女教母」之稱的韓穎華亦加把口，矛頭直指志偉，校長說：「我唔知道，亦唔知道乜嘢教父教母，第一、我唔識對方，第二、喺咁嘅時刻，真係千奇百怪、多姿多采。（有指周冬雨也被涉入內？）我真係唔知，故不會評論，如果我知道件事又知非屬實、就會講。」搞笑是最後問到是否相信志偉絕對不會做這些事？校長鬼馬道：「佢應該無咁嘅能力！（無邊方面能力？）老友嚟嘅，唔講得，哈哈！」
台灣著名經紀人邱瓈寬亦力撐相識30多年的志偉，直指謠言屬「百分之三百不可能」，更斥內地「金牌女模教母」韓穎華發放的消息不可能是真。（攝影：羅安強）