人狗情未了！姚子羚帮被遗弃雪橇犬庆生

艺人姚子羚（Elaine）一向系爱狗之人，不但爱自己的狗，她的爱心更加系广及其他狗狗，就好似之前被人遗弃时的狗狗Tuffy，当年细细只BB咁，由姚子羚家姐暂养，宜家搵到新主人，但Elaine依然会去探佢，最神奇嘅系Tuffy都仲认得Elaine，而且次次都会好兴奋！难怪Elaine会揽住佢，帮佢庆祝生日。

Elaine系社交媒体留言，兼且铺相，「生日快乐🎂🐶唔经唔觉你已经两岁啦！由你bb时比人因病遗弃喺公园到家姐暂养照顾你～再到依家搵到一个爱锡你嘅家～真系好开心☺️每次探你都记得我地…同埋你都系咁牛精、由一只好嘈嘅细Tuffy BB变成一只好嘈嘅大Tuffy BB～😆希望你继续牛精落去～Tough and Healthy=Tuffy 」

其实Elaine对狗狗嘅爱，真系唔简单，因为曾经被领养嘅狗狗咬伤面，当日仲有疤痕系面上，令到佢开唔到工拍唔到剧，但佢系「TVB马来西亚星光荟萃颁奖典礼2017」，凭《同盟》夺得最喜爱TVB女配角一奖时，依然公开呼吁大家要继续领养唔好弃养。