正爸不捨以愛遭正媽怒摑 夏雨：拍到我都頂唔順要喊

「正媽」李司棋於劇集《溏心風暴3》怒摑愛女以愛（陳敏之飾演）終於在昨晚的一集播出，這場戲雖然一早在網上被劇透了，但真的要睇足本先睇到戲味及演員的演技。「你係咪冇男人唔過得世？」、「你去做雞啦！」、「你點解咁賤！」、「你去死啦！」、「最抵死嘅你！」、「如果個老婆畀車撞到你點算好，我話你點算好？」、「佢丟晒我哋祖宗十八代嘅架！」、「我好醜，我想搵窿捐！」網民連對白都記得清清楚楚，話「睇咗以愛偷情咁耐，真係好嬲佢，呢集正媽鬧佢真係大快人心」之餘，仲大讚：「嗰兩巴打落去亦都好逼真。今次三個人好夾，司棋姐演活母親對女兒做第三者之憤怒，夏雨演活愛女之心，敏之就做到執迷不悟嘅感覺。」
「正爸」夏雨受訪時亦有提及這場戲，但就講錯「敏之鍾意有夫之婦」，其實是「有婦之夫」。夏雨謂這場戲司棋火爆鬧打女兒，他就不捨女兒被打，因為女兒變得這麼孤僻他要負上好大責任，是女兒小時候的陰影，所以他要盡量要按捺著正媽，他兩邊安撫著自覺劇情感人，說：「我都拍到自己都頂唔順，感情戲去到嗰個位係要喊，因為戲係到咗嗰個位，屋漏兼逢夜雨。」（電視截圖）