【回顧2017】娛圈十大話題人物 Celine妹妹小小春仲有邊個？

「I am so happy, so so so happy」2017年轉眼過去，娛樂大事一單接一單，往往到最後一刻卻峰迴路轉，今年邊單能夠讓你sososo happy？本網精選10位帶來「驚喜」演出的藝人和名人，你又記得多少個？現在一一揭曉！ 第10位-港女Seasun「有樓有高潮」 TVB真人騷《有樓萬事足》今年又再掀全城熱話，事關參與的港女Seasun（鄧湤鉮）爆出連環金句「冇樓咪白撞」、「有樓有高潮」，辣㷫不少網民；又愛情比喻成「公猴愛洞穴」論。Seasun後來仲有性感相流出，近乎一絲不掛，又再掀起熱話！ 第9位-霆鋒玩朱古力晾意粉 「Chef Lemon」謝霆鋒主持的飲食節目在內地火紅，不僅如此，霆鋒「浮誇」的做菜方式更惹人關注。先有衣架晾意粉，再有衫架夾雞翼，最近仲有花式整朱古力，食得之餘，仲帶俾大家不少話題，就連黃秋生同張敬軒都惡搞埋一份，認真巴閉！

第8位-《阿爺廚房》鼎爺勁收旺場 李家鼎（鼎爺）拍住譚玉瑛自合作的《阿爺廚房》勁收，皆因鼎爺對廣東菜真係有真材實料！今年仲追加第二季，而且出嘅食譜係書展仲要「賣斷市」，唔單止咁，由佢親自主理的「鼎爺私房菜」亦係今年9月3日正式開業，有傳短短4個月已賺近千萬，但佢就澄清無咁多！ 第7位--《RM》唔做又做 宋智孝金鐘國重返 Running Man原班復活繼續Run，可謂讓fans們又怒又喜。在2016年，人氣主持Gary10月退出，其後發展到另兩位主持宋智孝與金鐘國被叮走，令粉絲震驚，電視台最後決定今年2月停播節目。結果呢？後來《RM》製作單位宣布，節目全面改革，2017年1月進行，最後宋智孝和金鐘國決定重返《RM》。 第6位-IU唱廣東歌 提到韓娛！不得不提女神IU，之前佢唱《囍帖街》令香港人驚訝，有感情之餘仲咬字清楚！上月IU亞洲博覽館舉行演唱會，她不時以廣東話說：「好掛住你哋」、「好幸福」大冧粉絲，仲預先請填詞人陳詠謙將她的歌曲《Through the Night》填上粵語歌詞，發音標準獲全場掌聲！ 第5位-林憶蓮《歌手》奪冠 林憶蓮經已係歌后中的歌后，但佢依然參加內地人氣節目《歌手》「歌王」總決賽，令人驚訝，而且在過程中，獲好友張惠妹幫唱下，最終奪得歌王寶座！圈中著名歌唱老師杜麗莎亦有參賽，但係第四集《歌手》以些微之差成為最後一名而要出局，憶蓮接受訪問亦坦言，杜麗莎雖然不是她第一位歌唱老師，卻是第一位真正教懂她要用自己生命去唱歌的人。