陸永老婆小產疑有人爆料 Reina：冇懷疑過任何人

陸永老婆Reina早前被爆佗第三胎時不幸流產，令兩公婆相當傷心，又搵玄學家吳佩孚超渡亡兒；今日再有周刊報道謂，有指Reina不滿流產一事曝光，覺得被好友出賣，陸永心痛老婆之餘，更決定與爆料者絕交。 事實Reina在被爆流產後，曾在社交平台貼上寫有「我不是瞎的，也不是傻的，為甚麼要利用我的『信任』」的圖片，難免令人聯想跟爆料事件有關。Reina於傍晚時份隨即在社交平台留言：「自有雜誌報導（道）有關我哋嘅事情後，收到無數慰問短信，多謝大家關心。今日再有雜誌報導（道）後，電話再次響個不停⋯⋯希望大家唔好胡亂猜測，就今次事件，我從來冇諗，亦冇懷疑過任何人，大家唔好對號入座喇」！為他們做法事的吳佩孚亦在貼文留言澄清：「總之我冇主動俾（畀）料記者，你們不會跟我絶交丫ma（嘛）？」然後Reina再次更新留言：「令身邊幾位朋友，師傅被誤會，請幾多餐飯都補償唔到人哋㗎！」吳佩孚再在貼文留言：「好彩你主動出嚟講返句嘢，謝謝你！」Reina也回應：「輪到你請我食飯」！