【有片】單車踩馬路捱批 司機拍片公審：對面有單車徑！

騎單車到底應否踩上馬路，不時令兩批網民對罵。最近在社交媒體fb群組「大埔group」拍攝影片，指在大埔和粉嶺之間的「泰亨沿路出太和方向」有騎單車人士在路邊踩單車，直指「對面有單車徑！」，質疑「一樣出到太和咖 你地咁樣踏好危險」。 據片段所顯示，該段路正進行工程，據了解因為現場要配合蓮塘口岸發展，要大幅改道及建天橋，所以即使公路都有水馬。但兩派人士就在網上各有各說法，有支持人士提出「因為單車徑成日都封，我上次踩單車都要搬架單車上樓梯行天橋，就算真係要踩都冇問題吖，呢度又唔係highway」、「因為單車徑係踩幾下就要落車推兩步，唔踩馬路係操唔倒車。你應該問正苦點解起單車徑起成咁。你估黃金寶係點樣操車嘅？」、「我住附近，明白路況，單車都是道路使用者，單車徑在九龍坑那邊，片中單車友靠左行，就算只有一條行車線，他們都有權行。 如果要怪，只能怪香港有土地問題。」 不過也有人反指「自私自利的人，佢地咁様好危險」、「我經常踩單車、但我同意此路段、應該係單車徑踩」、「 其實對面天橋條單車俓好靚，點解唔賞面用下」。