擇偶最好離過婚 惠英紅唔使伴侶有米：我已經係半個富豪

惠英紅宴請傳媒出席冬至飯局，筵開8席，一眾圈中好友文雪兒、導演羅耀輝、陳果等出席。小紅姐開心謂冬至將至，跟大家慶祝，又指已完成新片《翠絲》的戲份，下月開拍內地新片。談到聖誕節，她笑稱會打麻雀，大時大節朋友陪伴子女，所以可以到朋友家開派對，自己打麻雀不會搏命，只是求其玩。她說：「所有人都鍾意跟我打麻雀，我10次有9次輸，但技高運低，好少輸過萬，都係幾千。」她坦言要多打麻雀也擔心遺傳媽媽認知障礙，不過不敢去檢查。 小紅姐又透露好友鍾慧冰原本出席飯局，因天氣轉冷導致腳痛，對方又患脈管炎要入院半日，幸好已出院，相約下次再吃飯。談到她忙於工作忽略愛情，小紅姐直言好多時被誤解要求高或找富豪，她說：「我唔使，我已經係半個富豪！是但啦！妹妹嫁不出就最好，有人陪我。我哋兩個都習慣咗，我最多嘢同佢講，因為大家同行。」她坦言現時找另一半較難，自己沒有太大要求，最重要心地好不用太靚仔，年紀一定要比她大，最好是離婚男或喪偶，否則仍未結婚覺得對方應該是變態。