挑戰陳豪3年抱3 宋熙年陳智燊度期「造人」

陳智燊和太太宋熙年最近頻頻夫妻檔搵錢，今日二人出席孕婦產品活動，打正旗號搵奶粉錢，夫婦同心要挑戰陳豪生3個小朋友。雖然二人未成功造人，但學定都差唔多；二人除了細心留意BB在懷孕中的成長過程短片，更輪流扮大肚，玩得不奕樂乎，兩公婆明顯為生B做足準備，還不停放閃！ 宋熙年投訴老公近期太忙，可能在關鍵的日子中，要幫老公向劇組度期造人才可。陳智燊即取笑太太道：「嘩，你講到咁揚啊！不過拍完外景後都應該會專注造人，我還很佩服陳豪，一起拍劇集《水髮胭脂》時，明明見他日日開工很忙，也可生個女兒，真係要向他請教怎樣騰出時間。」問到是否挑戰陳豪生3個小朋友？宋熙年搶說：「他真的想，但陳茵媺咁勁，簡直係Super Woman，我唔知做唔做到，3年抱3我都唔介意，最重要身體和上天肯畀我。」陳智燊稱最好第一胎就是孖胎，宋熙年亦附和指不管是仔、女、孖胎和3胞胎也不會介意。