【片段】公屋廚櫃油煙喉驚變蜂巢 蜜蜂多到「跌出嚟」超恐怖

網上今日流傳一段短片，一名網民稱家中廚櫃內的油煙喉變成蜂巢，驟眼看上去蜜蜂密密麻麻，料有過百隻以上，稱經房署確定為蜜蜂後，兩日內會有負責滅蟲人士前往處理。 網民Chung Him Eric Kan今日在「巴打絲打」Facebook專頁上載圖片及影片，見到其廚櫃內的油煙喉變成蜂巢，聚集大量蜜蜂。片段所見，一名男子慢慢將廚櫃門打開後，隨即有一團黑色東西由廚櫃跌出，其後鏡頭移近即見到為大量蜜蜂，狀甚嚇人。 Eric形容「我諗無乜野可以嚇到我架啦，一開個廚櫃，幾百隻蜜蜂狗衝撞我塊臉到，我仲可以驚啲乜？」 網民均擔心Eric廚房衛生情況，「我最想知幾耐未開過個柜(櫃)呀？」、「究竟間屋你有冇住過架？有乜可能咁多蜜蜂咁遲先知」。 亦有網民笑指是賺錢良機，「可以買個蜂箱，再將隻蜂后捉入蜂先入面，咁以後都可以定期有蜂蜜食，有多仲可以賣，而家市面上真蜂蜜好少，絕大部份都系(係)糖水當蜂蜜賣」。