吳浩康自嘲歌迷會少到只得6人 承諾下次開騷紅館見

一連兩埸《Listen to Deep》昨晚於Star Hall圓滿結束，吳浩康（Deep）在尾場依然是「大喊包」，他感激家人、歌唱老師、憶述這幾年感覺及謝幕時四度落淚。流淚同時也有自嘲位，他指雖然自己歌迷會人數少到只得會長及5名會員，但他們多年來亦對他不離不棄。 鄭希怡（Yumiko）繼續擔任嘉賓，愛女梁浸浸及老公在台下捧場。Yumiko大讚阿Deep為人有義氣，雖然平時聲大大，但心地好好，並指要跟在場觀眾準備送阿Deep一程，送他上紅館。 握手環節時，阿Deep走入觀眾堆中，亦走到女友面前握手。阿Deep指對上一次派歌已經8年前，希望下次不用再等那麼久，但過去一年堅持逢周一在網上唱Deep Nite Show則令他聚集了更多人聽他音樂，他說：「一步一步行出去，有誠意堅持係行得通，多謝每一位幫過我嘅人。」 演唱會安哥環節，阿Deep準備唱《洗剪吹》及《先入為主》前，他特別多謝在場黃偉文，他說：「一個月前我好急想要一隻歌，佢喺上周歐遊前最後一日寫好，但我知佢又病又忙，原本要cut咗唔唱《洗剪吹》，但我要送畀你。」獻唱完兩曲後，阿Deep大喊兩次「我哋會唔會再見，紅館見。」當他返回後台，觀眾仍不肯離開，最後阿Deep再走上舞台獻唱，觀眾High爆企上櫈歡呼，最終11時43分完場。 阿Deep在後台接受訪問時，表示喊足兩日，即使家姐叫敷眼亦無用。他沒想過再安哥一次，因為已經返回後台換衫準備訪問，但經理人指外面嗌得好勁，不如同導演講再出去。完成今場騷，阿Deep表示仍然繼續做Deep Nite Show，問到下一個目標是紅館嗎？他說：「同公司傾，希望越快越好。」獲老闆楊生坐足全場，阿Deep指自己整個人都震，楊生有讚一句Good Show，今次好似做一張成績表給他過目。 阿Deep還想感激Mani關心，尤其門票出現大量甩底時，阿Deep說：「第一次自己做騷就攬做大沙炮，激氣自己處理不當，另有人透露訂飛訂不到10號，再開我一定唔再咁，因為分身不下，但呢件事由擔心變窩心，好多人經網上同我要飛，有啲人話請病假都要嚟。」