蘇永康杜德偉變身奶爸 齊齊抱B搶Fo

蘇永康以半個發起人身份出席《2017心光傲行》啟步禮，除了廣邀好友梁漢文（Edmond）、杜德偉（Alex）、雷頌德（Mark）和劉倩婷到場支持，還附送驚喜，首度與Alex齊齊做湊仔公抱B亮相。二人更慈父上身，不停為BB擋太陽及掩耳隔開拉炮聲；搞笑是蘇康聽到BB一個叫聲還立即抱起安撫，完全放下平日做歌星Man爆的身段；看到一班視障小朋友合唱《陪着你走》，又主動伴唱，暖男度爆登！ 蘇康帶同9個月大的Jazz父子兵上陣，他稱因屋企經常看到心光學校的橫額，故致電問有否能幫忙之處？他稱沒有刻意跟Alex夾埋帶B亮相。Alex囝囝AJ現在14個月大，他則謂是專登讓AJ跟Jazz見個面，亦希望AJ多接觸人群見多些世面。提到Alex的太太也有到場照顧AJ，蘇康可擔心Jazz扭計？他說還可以，況且剛才BB一叫他就明白是太熱，除衫就無事。Mark卻鬼馬笑謂：「佢（Jazz）脾氣好過個老竇啊！」提到平時會一起相約行山，原本Edmond稱大多每次行2個小時，蘇康口快快指同一段路在最fit狀態下，可45分鐘完成，令Mark再笑窒他道：「行得快唔代表fit！」當蘇康重提當年相約許志安行山被拒，結果無到的安仔成炮灰！Alex重提安仔的經典雜誌封面照，取笑安仔說：「佢識乜吖，只識著泳褲跑沙灘懶浪漫！」蘇康亦唔執輸，補充道：「仲袋住包煙！」逗得全場大笑。（攝影：林子棠）