【朱經緯案】裁定表證成立 朱經緯：用警棍有幾多信心教唔到

退休警司朱經緯涉於佔領行動期間以警棍襲擊途人，今於東區裁判法院續審。期間主任裁判官錢禮曾一度裁定被告表證成立，但辯方指誤會法官意思及要求作中段陳詞，裁判官其後撤回裁決，並批准辯方於下午作毋須答辯陳詞。 至下午裁判官裁定朱經緯傷途人表證成立。朱出庭自辯指，於2014年10月17日，警方成功開通旺角彌敦道，並稱「旁邊睇嘅人係度拍手掌」，但後來有更多人使用暴力佔用馬路，當晚旺角有9000人聚集，為佔旺最多人的一天，朱稱「佢地衝擊警方防線」及成功佔領馬路，並表示「由嗰日開始，旺角嘅情況愈嚟愈壞，我哋警方嘅容忍度同法律嘅底線愈退愈後」，朱續指期間很多衝突、挑釁及身體暴力每天發生，故警方的工作為恢復公眾秩序。 於11月25日，旺角有幾千人聚集，而他們聲稱保衛清拆的地方，遂警方當晚職責為守衛亞皆老街，朱形容當晚是「非常之highly discharged」、「好唔穩定、volatile (不穩定)」，又指人群聚集在不同地方，但他們都有一個共同目標為佔馬路和保衛他們已佔領的馬路，當值的同僚已感到「疲於奔命」，而面對的群眾大多都蒙面、備有保護工具及自制盾牌，警方亦已向公共傳媒發岀警告，但並無效果，當晚旺角有90多人被捕，29多名警員受傷。 於11月26日，法庭早上頒下禁制令，以清拆旺角彌敦道，即代表佔旺60日以來第一次全線通車，朱表示下午3時始當值，他於到往現場前告知24小時的旺角情況，並得悉亞皆老街交界非常重要，其東往西方向為單程路段，故朱對任務的理解為「呢條路唔可以塞」及保衛亞皆老街，而若被重新佔領，情況就會「去返60日前，又要重新嚟過一次」。 朱又表示26日當晚的人數比前一晚更多，而他當日到現場時備有伸縮警棍、胡椒噴霧器等，並於約一星期前另獲派一支警棍，使用該警棍需要事前受訓練及需使用特別方法「check drill」，並會令「全部舉晒手，好passive 行埋嚟」，他再解釋即「表面好passive，其實好active」的人群，但他稱「用呢支棍有幾多信心，你教唔到」。 法庭記者：陳詠詩 建立時間:13:50 更新時間:17:28