關楚耀鏡頭下 傅嘉莉獲讚索爆

關楚耀（Kelvin）年多前喜歡上攝影，趕拍新劇《特技人》時更機不離身，捕捉每個場景與每位演員的潛藏一面，早前他更將對手傅嘉莉（Kelly）攝入鏡頭，展現對方的野性美，連二人好友陳山聰都讚相中Kelly「索爆」；Kelvin則直言鏡頭下的Kelly「好正」！ Kelvin兩年前買下第一部單反相機，作拍攝旅遊名勝之用，後來加入劇組赴不同地方取景，並將靚景收歸鏡頭下，慢慢揣摩出別具個性的拍攝手法。他說：「影相是好個人的事，影得靚唔靚都係個人感受，依家大家都有部手機可以影好多靚相，所以每個人都係攝影師，我算係比較認真去對待呢件事，工餘時間會周圍影，特別喺拍劇時就會去一啲山旮旯地方，所以一定會相機跟身。依家我會經常Po相放喺ig，當係一個digital相展，哈哈！」提到將好友Kelly攝入鏡頭的感受？Kelvin笑道：「有好多感受，之前好少影人像，影風景多，影人一定要睇大家熟唔熟絡，有默契最緊要，我同Kelly一齊拍劇3個多月，大家好熟，但鏡頭下嘅Kelly會畀人另一種感覺，輪廓好靚，基本上只要有光影射到就會好睇，拍劇嘅時候佢都係好對手，好正！」 Kelly指換上該有如「羅拉」的造型是為了拍攝一場戲中戲，與劇中角色秦臻的造型很不同，化妝髮型較為誇張，令她憶起那些年做Model時的情景，工作人員都向她說很喜歡這「鬼妹」Look，但不知觀眾會否覺得「重口味」？不過她另一位友好陳山聰則在ig留言大讚：「唔似你，索爆啦！」