傅嘉莉拍新劇扮「阿梅」嗌過癮

傅嘉莉為新劇《特技人》黐頭套騷光頭Look，扮電影《少林足球》中的阿梅。她在新劇中飾演女明星秦臻，造型多多，首次作新嘗試變光頭，忍痛黐頭套，Kelly大表興奮：「好彩我依家短頭髮，不過都要花3個小時去變髮，過程都有啲痛，工作人員都有悉心幫我搽防敏cream，但結果都係成條頸紅晒，我將光頭look放上網，大家都覺好有趣。」Kelly將相放上社交平台share後，不少藝人都讚她造型靚，包括湯洛雯都問她點解光頭都咁靚？ Kelly從未見過自己沒頭髮的樣子，就連對手關楚耀都讚她「So Handsome」，教Kelly開心不已：「做model嘅時候都有諗過剃光頭影一輯相，相信會幾型，今次竟然喺拍劇時嘗試。有網民叫我返去火星，好搞笑，連媽咪睇完相都話好得意。」 Kelly指新劇發揮多，過足戲癮：「拍完呢個鏡頭要用45分鐘拆頭套，都有啲痛，但為咗靚都值得嘅！依家終於知道男演員拍清裝嘅辛苦。」