袁詠儀教魔童習慣男女離合：佢激嬲我就同佢講分手

袁詠儀（靚靚）、郭羨妮及周汶錡出席願望成真基金活動，靚靚趁著周汶錡拍照時，在旁邊學擺甫士；受訪時她笑言經常被嘲笑不懂擺甫士，所以跟周汶錡偷師。提到其兒子張慕童（魔童）應更會擺甫士，她說：「係啊，呢排佢鍾意扮電眼影相。終於都嚟喇，可能荷爾蒙影響，咁佢今年都11歲。」談到魔童將於本月12日11歲生日，靚靚說：「佢今年想低調，唔搞生日Party，約幾個朋友去Skate park玩就算。」 至於有否探討魔童身邊的女性朋友？靚靚說：「無喎！但有件事好得意。魔童有一日話唔開心，有一個美國嘅女同學要走，佢真係唔開心咗幾日。」靚靚就趁著這機會，教導男女相處秘訣。她笑說：「我同佢講要開始習慣，男女之間會離離合合。如果個女仔鍾意嘅話嗌分手，就Say Sorry。如果唔鍾意嘅話，就講：『好啊！』千祈唔好拖。」靚靚為了魔童盡早習慣，透露現在若魔童激怒她，就會跟囝囝說分手，但魔童往往都是大笑收場。 郭羨妮坦言想追生兒子，但跟丈夫時間不合又或過份刻意，因此都未有進展，所以現在決定隨緣。她表示仍有戲癮，但若拍劇離港30日就不會考慮，因要照顧女兒。（攝影：羅安強）