袁咏仪教魔童习惯男女离合：佢激嬲我就同佢讲分手

袁咏仪（靓靓）、郭羡妮及周汶锜出席愿望成真基金活动，靓靓趁著周汶锜拍照时，在旁边学摆甫士；受访时她笑言经常被嘲笑不懂摆甫士，所以跟周汶锜偷师。提到其儿子张慕童（魔童）应更会摆甫士，她说：「系啊，呢排佢锺意扮电眼影相。终于都嚟喇，可能荷尔蒙影响，咁佢今年都11岁。」谈到魔童将于本月12日11岁生日，靓靓说：「佢今年想低调，唔搞生日Party，约几个朋友去Skate park玩就算。」 至于有否探讨魔童身边的女性朋友？靓靓说：「无喎！但有件事好得意。魔童有一日话唔开心，有一个美国嘅女同学要走，佢真系唔开心咗几日。」靓靓就趁著这机会，教导男女相处秘诀。她笑说：「我同佢讲要开始习惯，男女之间会离离合合。如果个女仔锺意嘅话嗌分手，就Say Sorry。如果唔锺意嘅话，就讲：『好啊！』千祈唔好拖。」靓靓为了魔童尽早习惯，透露现在若魔童激怒她，就会跟囝囝说分手，但魔童往往都是大笑收场。 郭羡妮坦言想追生儿子，但跟丈夫时间不合又或过份刻意，因此都未有进展，所以现在决定随缘。她表示仍有戏瘾，但若拍剧离港30日就不会考虑，因要照顾女儿。（摄影：罗安强）