建議囡囡赴米蘭升學 任達華買定河邊靚屋嘆世界

任達華出席香港及澳門意大利商會周年晚會，他稱也可代表意大利，每年必去意大利，讚當地人很熱情，是個充滿陽光和歡樂的地方。問他會否移民去意大利？他說：「成日都去嗰度住。（會唔會在當地置業？）會，每年都去佛羅倫斯，太太琦琦鍾意在河邊食飯好浪漫，文化氣息重。會買佛羅倫斯河邊屋仔，我鍾意畫畫影相，會畀到好多創作靈感。」 華哥指當地樓價大約幾百萬不太昂貴，香港樓價則熱到發燒，希望有政策降溫。問囡囡會否赴外地升學？他指女兒年紀小，若日後留學可考慮去米蘭讀時裝設計，太太剛去了米蘭時裝周，買了7袋戰利品回港，他與女兒各一袋，另外3袋是給朋友。此外，華哥記起曾與邦女郎、意大利女星Maria Grazia Cucinotta拍戲，大讚意大利女仔好型、西西里的女仔頭髮烏黑，身材好輪廓靚。笑問怕不怕太太嬲？他即說太太也是黑頭髮又靚，兼身高180cm，自覺好幸福，是個lucky man。