顏卓靈同小鮮肉拍MV唔過電：我對靚仔有免疫力

顏卓靈（Cherry）早前到日本京都為新歌《Baby Stop》拍MV，今次難得有美男子陪拍，但是她自問有靚仔免疫能力，所以絕不過電，不過有小鮮肉交流卻增添不少樂趣！ 今次MV邀請了一名台灣靚仔演員石知田客串演出，在拍攝期間有工作人員不停勁讚他是個俊男，Cherry笑說：「我哋大家年紀相若，所以私下都好好傾，佢都好鐘意音樂、睇書，休息時候會交流下音樂心得，我哋啲話題幾夾，大家相處好開心，又可以識多個朋友，喺MV中我哋冇乜親熱鏡頭，有人問我個對手咁靚仔冇親熱咪好蝕囉，我係完全冇諗到呢樣嘢，咁又唔會蝕嘅，好似歌詞咁講不多不少已經足夠了！其實我對靚仔有少許免疫力，唔會咁樣就暈咗浪！ 」好明顯是向男友白只派定心丸啦！ Cherry又爆鏡頭前一些趣事，有一場戲是導演要求男主角浪漫地用手輕摸她的鼻尖，不過他聽錯要像打蚊一樣打她的鼻，結果當然要NG。另外，她要在鴨川拍一場跑街鏡頭，她來來回回跑了好多次，她笑言，做了短跑好手，每程要跑200米，她好似跑了千米賽事一樣！此外，近日她留了一頭長髮，她希望增添一些女人味，卻剛巧很適合MV中的造型。 今次的拍攝團隊只有幾位工作人員同行，Cherry表示，她隨了拍攝之外，同時兼顧助導工作，不時要催食飯，又催開工，又要做翻譯部及茶水部，她十分感恩是團隊不計酬勞，只求拍到最好，由於行程十分趕迫，她笑言是慢歌快拍，拍每個鏡頭都要一擊即中，因為要與時間競賽，日落前一定要完成，幸而出來效果很理想！