曾壓力大致脫髮患眼疾 盧巧音婚後改臭脾氣

盧巧音（Candy）接受節目《StarTalk》訪問，大談將舉行演唱會的感受。明年是Candy出道20周年，在機緣巧合才決定在下月開騷，她說：「本身諗住出年3月先搞騷，但突然有投資者出現，而近呢兩、三年狀態又好Ready開騷， 所以就一口答應，就當係20周年演唱會嘅預演，希望以歌會友。」 提到經典歌曲《好心分手》把Candy的事業推到最高峰，同時令她進入樽頸位，她說：「當時有脫髮及眼部嘅問題出現，情緒上好辛苦，漸漸開始覺得物質好重要，成日要買嘢，脾氣亦都好差，食唔到嘢同好驚，又唔敢話畀屋企人聽，要睇醫生處理同用信念去擊破。依家再唱呢首歌，我會用另一種方法、另一種心情去演繹，由負能量變成正能量。」 在2013年與樂隊Kolor主音Sammy結婚後，Candy性格有所改變，依偎老公之餘又學會減慢工作步伐。她坦言：「覺得女人結咗婚之後要留多啲時間畀家庭，我有諗過唔再做，諗過學手語又或者珠寶鑑證等。諗咗好多方法令自己唔再喺呢個圈出現，但原來最鍾意都係音樂，連我老公都叫我唔好屈喺屋企。」Candy又謂：「婚後我冇咁火爆，識得忍，我刁蠻過，我係有臭脾氣，依家就係要放低呢啲唔得嘅嘢去投入新嘅角色，所以家庭對我好重要。」