周汶錡為囝囝裝扮 中西式殭屍好得意

周汶錡的兩歲大仔Jacques同7個月大的細仔Avner，肥嘟嘟好趣緻，深得網民歡迎。近日萬聖節，悉心扮鬼扮馬體驗節目氣氛確實開心，一向有幫大仔準備萬聖節服裝的周汶錡，今年要搞盡腦汁做埋細仔的形象指導。她搞笑地為兩子分別打扮成中西式殭屍，嚇人程度欠奉，可愛度爆晒燈。周汶錡操刀為囝囝影萬聖節寫真時，擺埋南瓜、蜘蛛公仔道具，好有心機。網民都讚兩兄弟好cute cute，係最得意的殭屍。