林作假電話留畀經紀 網民斥「個號碼係老人家」揚言報警

林作又惹禍！繼早前突然大爆媽咪王莉妮遇上經濟困難，更直指家中的經濟環境急轉直下，要賣樓周轉，結果招至一大班地產經紀跟進！點知林作又再發文，話要致所有地產經紀，「由於你地阻緊我接job，因此依家凡係接到經紀電話，我會接，然後同你講，由於你冇留意「市場消息」話我唔再覆電話訊息，我會馬上block咗你。」 不單只咁樣，佢仲留咗個只有7個字嘅電話號碼出嚟，話「況且層樓又唔係我嘅，冤有頭 債有主，應該搵我媽媽先係㗎！佢嘅電話係」。 但事件就引起網民好大反應，唔只一個人留言咁講，有人質問「林生，你肯定個電話號碼係啱？ 呢個電話號碼嘅持有人係一個退休嘅老人家，請你搞清楚先好post」，仲揚言「如果你呢個post令該老人家受到不必要嘅騷擾，我會報警及採取相關行動，謝謝」。 林作媽媽去年以6,000多萬元購入麥當奴道的3,000多呎複式豪宅，有傳是給林作與麥明詩結婚之用，可惜兩人分手。有網民質疑瓣數多多的林作為何會呻窮，亦有網民指林媽媽賣樓的話，從另一角度看可能是眼光獨到「高位套現」之舉呢！