林作財困急售豪宅 遭經紀追魂call問價：唔覆啦！

林作不做大律師後，簽了范振鋒的公司進軍幕前，又做補習天王，瓣數甚多，但早前卻大爆媽咪王莉妮遇上經濟困難，更直指家中的經濟環境急轉直下，要賣樓周轉。消息傳出後，林作收到很多地產經紀的電話，在社交平台直言：「致各位地產經紀：由於今朝已收到太多基於『市場消息』而查詢嘅電話，我就唔會再覆啦。有市場消息再公佈。」 前大律師林作家境富裕被封為「筍盤」，早前他入娛樂圈發展，但他昨日突然在網上自爆家中突變，母親更要出售豪宅套現，因此自己才要「下海」，惹來娛圈注目！不消一日，林作又有新留言「求救」，話收到太多地產經紀查詢電話，並指唔會再接聽。 林作噚晚「表白」後亦有新動靜，看見有網民對他讚賞指「馬死落地行」、「肯認」、「唔怕無面唔死撐」，似乎對他改觀，林作亦表示多謝，更hastag話自己「#不嬲唔扮嘢」及「#真我」。 上周本報獨家報道，現年27歲的林作笑言「我最想做『小白臉』」，揚言「嫁入豪門唔再係港姐專利」，曾說過自己等錢使兼大使的他，擺明求「財」若渴！ 林作日前就在社交網貼文透露，「屋企最近環境急轉直下，已醞釀出售層所謂豪宅……」自認孝順的他又說「定會同媽媽一齊渡過難關。所謂簽約入行，就係因為咁。」 林作媽媽去年以6,000多萬元購入麥當奴道的3,000多呎複式豪宅，有傳是給林作與麥明詩結婚之用，可惜兩人分手。有網民質疑瓣數多多的林作為何會呻窮，亦有網民指林媽媽賣樓的話，從另一角度看可能是眼光獨到「高位套現」之舉呢！