【難得晒溫馨】王浩信拖女上台 多謝老婆操刀影相

王浩信與老婆陳自瑤（YoYo）屢傳婚變，當了多日封面人物的他先後與蔡思貝、爆乳陳偉琪傳緋聞，又被指未戒爛蒲性格、YoYo唔肯追生B仔等等，傳言不斷。上周一（9日）兩公婆齊出席活動晒恩愛，以行動闢謠，王浩信曾講過怕是非影響5歲囡囡靖喬。 在外工作忙碌的王浩信，近來亦著手為囡囡揀小學，請假陪面試。為爭取時間見面，他更帶妻女去登台，今日王浩信上載與囡囡在台上試咪的照片，難得地晒出靖喬半張臉，他更留言多謝老婆操刀影相：「第一次一起上台的感覺好奇妙！謝謝攝影師 @chenchiyiu」。另一張相就是囡囡在台下睇爸爸表演，拍晒手仔咁，一家三口晒溫馨。