JW預演紅館騷展舞技

JW王灝兒昨為明年1月6日紅館演唱會於圓方舉行預演，請來數十名粉絲到場欣賞！並宣布門票於10月19日公開發售！她表示歌手開騷前通常都會開記者會，所以今次希望特別一點舉行預演，可以直接唱歌給大家聽，讓大家預先感受一下。 她表示心情十分緊張：「平時Uncle、Auntie會叫我唱幾句，但通常好少人，我喺好光嘅地方就特別緊張。如果個場大啲、暗啲我反而冇嘢。不過都OK，之前同班樂手練咗幾次。」她更透露自己3個月前已經開始練舞：「今次跳舞Focus喺自己度多啲，可能得2、3個人一齊跳，所以要加緊練習！不過覺得好有挑戰，細個都有跳呢類舞，我都鍾意咁樣，好想好似Beyonce咁有跳舞表演，不過唔會太多，主要都係唱歌，Rundown都差唔多定好晒。」 至於嘉賓方面JW透露： 「已大致沒有問題，尚有些有待確實，得一晚，好希望成晚都係驚喜，呢個機會太難得，要留多啲時間畀自己唱，一場真係唔夠，希望遲啲再有機會。」 被問到這麼忙不夠時間拍拖？她說：「OK嘅，我最叻Balance。」（男友會嚟睇？）會，我個個朋友都好好，個個都話買飛支持，冇話要攞飛。（男友會否包場？）冇，成班人一齊買。」問到男友會否上台送花？她笑言紅館很難送花，但可以放在外面。而JW說每次開騷都一定會邀請前老闆黎明和舊同事來看，不過知道對方很忙，已留了門票給他們。