傳暗撻爆乳陳偉琪 王浩信開心貼相懶理緋聞

王浩信與老婆陳自瑤（YoYo）近排被傳婚變，昨日夫妻檔出席活動晒恩愛，力撇負面傳聞。之前YoYo在社交平台甫相，王浩信冇畀Like又被傳感情惡化，今日凌晨YoYo貼自拍照，王浩信即自動波讚好。 雖然兩公婆出面力證感情好，但今日又有報道話王浩信未戒爛蒲性格，同蔡思貝傳完緋聞，又暗撻13年落選港姐、爆乳陳偉琪，又傳王浩信在將軍澳住所同幢多租一個單位，表面上是工作室，實質是私竇，方便招呼朋友。 面對新一單傳聞，王浩信一於懶理，並在社交平台上載昨日出活動的合照，向揸機自拍的陳敏之笑問：「家姐！點解你send俾（畀）我啲相隻眼好似大左（咗）咁嘅」。