貓店長波子遭「預約拘捕」 職員引述女事主：一定要搞大件事

觀塘安達邨一藥房的貓店長「波子」，上周六被一名內地婦人投訴抓傷其5歲男童耳背，漁護署人員介入並「預約拘捕」。事件引發大批街坊憤怒，紛紛到店鋪聲援。藥房女職員陳小姐表示，「波子」今年四歲多，平日一向有性格，但不會主動攻擊人「你唔搞佢，佢唔會攻擊你」。她又指，對事件感到氣憤，認為雙方都有責任，「我哋無睇好波子，係我哋嘅責任，但家長無睇好小朋友，佢哋都有責任」，但對方不停強調「要搞大件事」。 陳小姐表示，事件發生後，內地婦女的同行友人一度表示「你隻貓咁得意，少不免人哋入嚟都摸你啦」，認為有關言論荒謬，直言「唔通你係街上見到美女，你又摸佢？」她認為，雙方都有責任，對方作為家長，亦應該要教導小朋友不要亂摸小動物，「連小朋友自己都同救護員講，係佢搞隻貓貓在先，小朋友都知自己唔岩，點解個阿媽仲係咁？」。 陳小姐又指，事後曾翻查閉路電視，但並無發現波子攻擊男童的過程。不過她坦言，不排除「波子」有抓傷男童，所以店方願意承擔一切醫療賠償，亦一直作出溝通，但對方拒絕。她指出，初時以為對方擔心小朋友受傷，但從言談間認為對方出發點並非為了小朋友，當時男童傷勢僅是輕微抓傷，媽媽不但不願意看私家醫生，「只一心只係想搞大件事」。 有附近街坊就指，「波子」很有靈性，很受街坊歡迎，「好多人一入嚟都係搵波子先」。她又強調，如果「波子」因為今次事件被「拘捕」，「我一定唔贊成，我得返半條人命都會去遊行示威」。 相關新聞： ●職員引述內地婦：一定要搞大件事(按這裏閱讀) ●內地婦2小時折返 稱貓女抓傷兒子拒求醫(按這裏閱讀) ●【3.4萬人聯署】促停拘捕貓店長 鄺俊宇：去信漁護署是否涉濫告(按這裏閱讀)