袁偉豪新歡舊愛同場冇尷尬 張寶兒岑杏賢搲銀大過天

袁偉豪新歡張寶兒與舊愛岑杏賢獲邀一同出席商場活動擔任嘉賓，並以此作招徠，司儀一開始提到商場轉Logo屬「去舊迎新」，玩遊戲又測試兩人是否口味相同，二人當然有備而來，全程表現從容，笑容滿面並經常交流。張寶兒笑稱：「我真係唔覺得尷尬喎！反而身邊嘅人尷尬。」問到寶兒收到活動邀請可有感愕然？她說：「唔會喎！都係公司同事，我哋都有碰過面，係今次第一次一齊出席活動。」提到用她們的新聞作招徠，她說：「希望我哋各自都有工作同演出，亦同樣得到人欣賞，我哋相信我哋有呢個價值。」岑杏賢亦直言不覺尷尬，說：「真係唔會尷尬。之前影TVB月曆又見過，羅天宇生日我哋都同場。」提到用她們的新聞作招徠，她說：「娛樂新聞我哋控唔到，唔會因為呢啲新聞影響到。我反而多謝大會，諗到我哋呢一個組合。拍拖係開心事，我祝福佢哋。」 有報導指袁偉豪跟張寶兒同遊日本8日，指二人女尊男卑，寶兒說：「我屋企人都見過佢（袁偉豪），屋企人都覺得佢有承擔、前途亦大有作為。相信會畀到幸福、飽足佢屋企同身邊人，佢係一個好好嘅男人。」至於被指是「新處女黨」其一成員，寶兒就說：「我係基督徒，我好清楚自己嘅底線，唔可以畀個框框住係唔係處女；有好多底線更加難堅持。（唔想再有呢類報道？）唔好成為焦點，拍拖有好多嘢去進步同成長。」（攝影：鄧國良）