張繼聰塞12粒鐘行得1/3車程：我諗10月中可以到佛山

國慶長假，張繼聰凌晨時份在社交平台貼文，留言：「漏夜趕回佛山拍攝。本來大概三小時多車程...由於塞車，司機哥哥話放心，早上六點應該到目的地....」，司機哥哥是否太樂觀？ 將近中午時份，阿聰繼續貼文，留言：「塞咗差唔多十二小時，只係行咗三份一車程，虎門都未到......我諗我可能十月中可以到佛山，預定中午埋位拍攝嘅我表示個腦空白一片.......不過得著係以後係（喺）香港唔會再怕塞車」。阿聰謂昨晚11時出發，12小時後仍未到虎門，苦笑全世界似定格了！老婆謝安琪都有留言安慰：「辛苦你了！」阿聰亦有覆蔡瀚億留言：「我個心好定，有兩位演員比我call早兩小時嘅，架車仲係（喺）我前面」。又有很多網民關心他急尿急屎怎算？搞笑是有更關心他的肌肉，「啲肌肉點算？無休息，無進食，無屙屎尿，無新陳代謝」！