聲演書目過足癮 譚耀文圓少年DJ夢

譚耀文（阿譚）早前應香港電台邀請為《有聲好書》節目擔任星級嘉賓，為最新一輯經典文學系列錄音，聲演中國現代著名詩人、散文家、學者朱自清作品，昨晚（10月1日）播出第一集。 首次聲演書目，阿譚十分認真，當他接到邀請時，即刻上網尋找有關朱自清資料及重看朱自清所有作品，並在家中練習了多次才入錄音室，錄音時對做足準備功課而來的阿譚來說相當輕鬆投入，完全無難度，只花了4個鐘就完成錄音，15部作品都是一Take過搞掂，導演劉蓮及監製夏妙然大讚阿譚專業，且好有DJ及演廣播劇天份。 阿譚笑稱：「其實少男年代的我，讀書時最高分就係演戲同朗誦，嗰時已經幻想將來做DJ。」連錄了4個鐘一口氣唸15部作品，辛苦及攰嗎？阿譚輕鬆搞笑說：「今次完全過足癮就真，當年喺橫店拍古裝年代，我已經成日舉頭望明月，低頭思故鄉，今次真係可以乘機發揮一下。」 聲演書目的阿譚指最緊要代入書中人物角色、心情及感受，至於演戲與聲演有何分別？他說：「演戲同聲演都要有戲，但聲演詩集及散文就要加埋提氣，有啲似演音樂劇感覺，要識得運用丹田氣。」聲演15部朱自清名作中，阿譚每一部作品都好欣賞，尤其《背影》、《槳聲燈影裡的秦准河》形容得好細緻，寫出了人物的情緒波動起伏，他覺得聲演這兩部更加好玩。