孖男友遊泰歎世界 江若琳大解放晒水著相

江若琳今年重回樂壇發展，出新歌及開騷，更宣佈同相識10年的前Bliss成員蕭潤邦（Oscar）拍拖，經常高調晒愛。早排開騷辛苦完一輪，江若琳即孖男友去泰國旅行，兼且慶祝後日的30歲生日，連日來二人不停甫旅行相放閃。 二人入住有私家泳池的靚靚酒店，開心歎世界，見到女友瘋狂在池邊自拍，Oscar笑指「她已經自拍了一小時有多！又唔食嘢！而且臂力很好，唔怪知人人叫佢女漢子啦。」江若琳更罕有騷水著相，表示「3字頭前豁一次出去」，在男友及網民面前大解放。