小童快餐店紙杯尿尿 母將有料杯棄餐桌爆爭議

近日網上流傳一段影片，一名男童與家人在快餐店內用膳時尿急，其母親讓他以紙杯解決，事後更將裝有尿液的紙杯棄於餐桌上，引起現場一名男食客的不滿，出言斥責對方。惟該名母親隨即反擊「關你咩事」，雙方其後爆發罵戰。事件引發網民熱論，不少人怒轟該名母親極度自私。 有網民昨日在Facebook群組上載一段影片，指片中的該名大媽將載有尿液的紙杯棄於餐桌上，「屙完若無其事放係枱面跟手走人，點知畀隔離香港人發現佢所作所為，即時話佢」。根據影片可見，該名男食客怒斥該名女子不衛生，「佢冇同職員講嗰啲係尿」。而該名女子即反駁「關你咩事呀」，更批評該名男食客歧視，「話我係大陸人，宜家我食嘢，關你咩事」。 大批網民怒轟該名母親行為自私，「呢到係食店，唔係廁所！好嘔心」、「喺細路面前自己做得唔好仲死撐...職員打佢工咩？要幫佢倒尿？」；有網民強調並非歧視內大陸人，「呢啲行為依家係大陸畀人見到都會鬧啦！關歧視咩事？」；不過亦有網民質疑「點解無人幫口？連執枱阿姐都唔出聲」。